पाच विद्यार्थ्यांना रौप्य पदक
परभणी : होमी भाभा बाल वैज्ञानिक परीक्षेच्या अंतिम फेरीत नूतन विद्यालय शिक्षण संस्थेच्या बाहेती बिहाणी नूतन इंग्लिश स्कूलच्या जीवन प्रभाकर सोळंके, स्नेहा पंढरीनाथ सोनवणे, तन्वी भीमराव बिरादार तसेच नूतन विद्यालयाच्या धनश्री विलास शेळके आणि आर्या लक्ष्मीकांत कुलकर्णी या ५ विद्यार्थ्यांनी रौप्य पदक पटकावले आहे. तर आद्या भुजंग देऊळगावकर हिने कांस्य पदक प्राप्त केले आहे.
या यशाबद्दल संस्थेचे अध्यक्ष डॉ. एस. एम. लोया, उपाध्यक्ष डी. के. देशपांडे, सचिव प्राचार्य डॉ. विनायकराव कोठेकर, सहसचिव जयप्रकाश बिहाणी, नंदकिशोर बाहेती, प्रशासकीय अधिकारी डॉ. शरद कुलकर्णी, मुख्याध्यापक, उपमुख्याध्यापक, पर्यवेक्षक व शिक्षकांनी विद्यार्थ्यांचे अभिनंदन केले आहे.
