परभणी येथे शोकाकुल वातावरणात अंत्यसंस्कार
परभणी : येथील क्रांती चौक टपाल कार्यालयाचे सब पोस्टमास्तर रमेश सुंदरराव हेलसकर (वय ५४, रा.धनलक्ष्मी नगर, परभणी ) यांची गेल्या काही महिन्यांपासूनची दुर्धर आजाराशी झुंज अखेर संपली. मंगळवारी, ९ जून २०२६ रोजी दुपारी दीड वाजता उपचारादरम्यान त्यांचे मुंबई येथे निधन झाले.
त्यांच्या पार्थिवावर बुधवारी, १० जून २०२६ रोजी सकाळी दहा वाजता जिंतूर रोडवरील अक्षरधाम स्मशानभूमीत अत्यंत शोकाकुल वातावरणात अंत्यसंस्कार करण्यात आले. त्यांच्या पश्चात आई यमुनाबाई, पत्नी संगीता, मुली सुचिता आणि पूजा, मुलगा वेदांत असा परिवार आहे. सेवानिवृत्त डाक पर्यवेक्षक शंकरराव हेलसकर यांचे पुतणे, तर जिप शिक्षक रामराव विश्वंभर यांचे ते जावई होत. अत्यंत शांत, मनमिळावू आणि सामाजिक बांधिलकी जपणाऱ्या रमेश यांच्या अकाली निधनाने सर्वत्र हळहळ व्यक्त होत आहे.
