ज्ञानसाधना प्रतिष्ठानतर्फे परभणीत आयोजन
परभणी : शैक्षणिक, सामाजिक आणि राजकीय क्षेत्रात विविध कार्यांच्या माध्यमातून स्वतःचा वेगळा ठसा उमटवणारे ज्ञानसाधना प्रतिष्ठानचे अध्यक्ष प्रा. किरण शिवसांब सोनटक्के यांची राष्ट्रवादी काँग्रेस पार्टी (शरदचंद्र पवार) च्या शिक्षक सेलच्या महाराष्ट्र प्रदेशाच्या राज्यप्रमुखपदी निवड झाली आहे. त्यांच्या या महत्त्वाच्या निवडीबद्दल आणि त्यांच्या वाढदिवसाचे औचित्य साधून ज्ञानसाधना परिवारातर्फे भव्य ‘अभीष्टचिंतन सोहळा’ आयोजित करण्यात आला आहे. सोमवारी, २७ ऑक्टोबररोजी ज्ञानसाधना फाउंडेशन, जिंतूर रोड, धर्मापुरी पाटी, परभणी येथे सकाळी दहा ते सायंकाळी सहा वाजेपर्यंत हा सोहळा चालणार आहे. यानिमित्ताने स्नेहभोजनाची व्यवस्था करण्यात आली आहे. संस्था सचिव तसेच सर्व समन्वयक, प्राचार्य, मुख्याध्यापक, विभागप्रमुख, प्राध्यापक, शिक्षक आणि शिक्षकेतर कर्मचारी या सोहळ्याचे संयोजन करित आहेत. प्रा. किरण सोनटक्के यांच्या निवडीबद्दल आनंद व्यक्त करण्यासाठी याप्रसंगी उपस्थित राहून सोहळ्याची शोभा वाढवावी, असे आवाहन संस्था सचिव आणि संयोजकांच्या वतीने ज्ञानसाधना प्रतिष्ठान आणि परिवारातर्फे करण्यात आले आहे.
