१२५ विद्यार्थ्यांचा उत्स्फूर्त सहभाग; डॉ. संजय रोडगे यांच्या हस्ते उद्घाटन
सेलू : येथील एल.के.आर.आर. प्रिन्स इंग्लिश स्कूल अँड ज्युनिअर कॉलेज येथे ८ ऑगस्ट २०२६ रोजी राज्यस्तरीय बाल चित्रकला स्पर्धा – २०२६ उत्साहपूर्ण वातावरणात पार पडली. या स्पर्धेत जवळपास १२५ विद्यार्थ्यांनी उत्स्फूर्त सहभाग नोंदवला.
स्पर्धेचे उद्घाटन डॉ. संजय रोडगे यांच्या हस्ते करण्यात आले. या वेळी शाळेचे प्रशासकीय अधिकारी महादेव साबळे, मुख्याध्यापक अनिल, अब्दुल तसेच मिरा मिरांडा यांची प्रमुख उपस्थिती होती.या स्पर्धेत विद्यार्थ्यांनी विविध विषयांवर सुंदर व कल्पक चित्रे साकारून आपल्या कलागुणांचे दर्शन घडविले. विद्यार्थ्यांमध्ये सर्जनशीलता, कल्पनाशक्ती आणि कलात्मक कौशल्य विकसित व्हावे, या उद्देशाने या स्पर्धेचे आयोजन करण्यात आले होते.स्पर्धा यशस्वीरीत्या पार पाडण्यासाठी कला शिक्षक महादेव बोरकर व शुभम झोल यांनी विशेष परिश्रम घेतले. त्यांच्या नियोजन व मार्गदर्शनामुळे स्पर्धा शिस्तबद्ध आणि उत्साहपूर्ण वातावरणात संपन्न झाली.विद्यार्थ्यांच्या उत्स्फूर्त सहभागाबद्दल शाळा प्रशासनाने सर्व सहभागी विद्यार्थ्यांचे तसेच स्पर्धेसाठी परिश्रम घेणाऱ्या शिक्षकांचे अभिनंदन केले.
