जिंतूर : जिंतूर तालुक्यातील वरुड (नृसिंह) येथील शिवानी राजेंद्र थिटे यांनी जीवशास्त्र (Life Science) या विषयात राज्यस्तरीय पात्रता परीक्षा (SET) उत्तीर्ण होऊन मोठे यश संपादन केले आहे. त्यांच्या या कामगिरीमुळे थिटे कुटुंबीय, मित्रपरिवार आणि शिक्षकवर्गात आनंदाचे वातावरण आहे. शिवानी यांनी कठोर परिश्रम, अभ्यासात सातत्य आणि जिद्दीच्या बळावर हे यश मिळवले आहे. सेटसारख्या कठीण परीक्षेत दाखवलेली चिकाटी आणि अभ्यासू वृत्ती कौतुकास्पद आहे. या यशाबद्दल सर्व स्तरांतून अभिनंदन करण्यात येत आहे.
माजी मंत्री आणि ज्ञानोपासक मंडळाचे अध्यक्ष माजी खासदार गणेशराव दुधगावकर, सचिव डॉ. संध्याताई दुधगावकर, माजी आमदार रामप्रसादजी बोर्डीकर, सौ. मीनाताई बोर्डीकर, राज्यमंत्री मेघनादीदी साकोरे-बोर्डीकर, मराठवाडा सर्वोदय शिक्षण मंडळाच्या अध्यक्षा श्रीमती आशाताई आकात, सचिव कपिल आकात, प्राचार्य डॉ. श्रीधर भोंबे, प्राचार्य डॉ. भारत खंदारे, उपप्राचार्य प्रा. पांडुरंग निळे, डॉ. दिनकर कोतवाल, डॉ. पंडित चोपडे, डॉ. अशोक वैद्य, डॉ. माणिक खंदारे, डॉ. पंढरीनाथ धोंडगे, तसेच जिंतूर मार्केट कमिटीचे सभापती गंगाधररावजी कदम बोर्डीकर, प्रमोदराव चव्हाण, बाबासाहेब नवल, आणि प्रा. सतीश मगर आदींनी शिवानी थिटे यांचे अभिनंदन करून भावी वाटचालीस शुभेच्छा दिल्या आहेत.
