ऐतिहासिक वारसा चांगल्या प्रकारे जतन केल्याबद्दल गावकऱ्यांचे कौतुक
सेलू : सेलू तालुक्यातील श्री क्षेत्र हातनूर येथील ऐतिहासिक प्राचीन वारसा स्थळ असलेल्या श्री नागनाथ भगवान मंदिरास रविवारी, ९ नोव्हेंबर रोजी जिल्हाधिकारी संजयसिंह चव्हाण यांनी सपत्नीक भेट देऊन दर्शन घेतले आणि मंदिर परिसर व बारवतीर्थाची पाहणी केली. त्यांच्यासोबत सेलूचे तहसीलदार डॉ.शिवाजी मगर, गटविकास अधिकारी उदय जाधव आणि हरिष टाक होते. गावकऱ्यांनी हा ऐतिहासिक वारसा चांगल्या प्रकारे जतन केल्याबद्दल जिल्हाधिकारी चव्हाण यांनी कौतुक केले. यावेळी मंदिर समितीचे अध्यक्ष बाळासाहेब आंधळे, सदस्य आसाराम काकडे, दत्तराव आंधळे, अंकुशराव शेळके, सरपंच महेंद्र गाडे, बाळासाहेब शेळके, अनंता जोशी महाराज, विष्णू सज्जन, परमेश्वर आंधळे, मुन्ना आंधळे, पोलीस पाटील रामचंद्र पारवे आणि नागरिक उपस्थित होते. यावेळी मंदिर समितीच्या वतीने जिल्हाधिकारी आणि तहसीलदार यांचा सत्कार करण्यात आला.
