सेलू : श्रीराम प्रतिष्ठान संचलित घटक संस्था उत्कर्ष विद्यालय,सेलू आणि एल.के.आर. रोडगे प्रिन्स इंग्लिश स्कूल व ज्ञानतीर्थ विद्यालय यांनी 53 व्या तालुकास्तरीय विज्ञान प्रदर्शनात उल्लेखनीय यश संपादन केले आहे. उत्कर्ष विद्यालयाच्या विद्यार्थीनी अनुष्का गजमल व श्रेया चव्हाण यांनी “अल्गी द्वारे ऑक्सिजन निर्मिती” या विषयावर सादर केलेल्या प्रयोगासाठी प्राथमिक गटातून प्रथम क्रमांक मिळवला. या विद्यार्थ्यांना मार्गदर्शन शिक्षक आदित्य पवार सर व मुसळे सर यांनी केले.
एल.के.आर. रोडगे प्रिन्स इंग्लिश स्कूलच्या समर्थ मचाले, विनय नागरे व हर्षदीप चव्हाण यांनी “रोबोटिक कार” या विषयावर सादर केलेल्या प्रयोगासाठी प्राथमिक गटातून द्वितीय क्रमांक मिळवला. त्यांना मार्गदर्शन शिक्षक श्रीकृष्ण खरात यांनी केले.
शैक्षणिक साहित्यातील यश
ज्ञानतीर्थ विद्यालयातील शिक्षक श्री नारायण चौरे यांची माध्यमिक गट शैक्षणिक साहित्य यामध्ये वैज्ञानिक साहित्य तयार करून सलग तिसऱ्यांदा प्रथम क्रमांकाने निवड झाली. या यशस्वी विद्यार्थ्यांचे व शिक्षकांचे अभिनंदन श्रीराम प्रतिष्ठानचे अध्यक्ष डॉ. संजय रोडगे, सचिव डॉ. सविता रोडगे, प्रशासकीय अधिकारी प्रा. महादेव साबळे, तसेच सर्व घटक संस्थांचे मुख्याध्यापक – प्रिन्स इंग्लिश स्कूलचे कार्तिक रत्नाला, प्रॉस्परस पब्लिक स्कूलच्या प्रगती क्षीरसागर, उत्कर्ष विद्यालयाचे कैलास ताठे, आणि ज्ञानतीर्थ विद्यालयाच्या शालिनी शेळके व माध्यमिक मुख्याध्यापक हरीश कांबळे यांनी केले. शिक्षक व शिक्षकेतर कर्मचाऱ्यांनीही या यशस्वीतेसाठी आनंद व्यक्त केला आहे.
