सेलू (प्रतिनिधी ): नूतन विद्यालय व रा.कि.का. शारदा विद्यालय, सेलू यांच्या वतीने प्रभारी जिल्हा क्रीडा अधिकारी कल्याण भुजंगराव पोले यांचे नूतन विद्यालयात स्वागत व सत्कार करण्यात आला. यावेळी संस्थेचे सहसचिव जयप्रकाश बिहाणी, राज्य क्रीडा मार्गदर्शक संजय मुंढे, क्रीडा अधिकारी सुयश नाटकर, पर्यवेक्षक गणेश माळवे, सुभाष मोहकरे, संजय भूमकर, धीरज नाईकवाडे आदी उपस्थित होते.
महाराष्ट्र लोकसेवा आयोग परीक्षामधून तालुका क्रीडा अधिकारीपदी निवड झालेले कल्याण पोले हे लाँग डिस्टन्स ॲथलेटिक्स खेळाडू असून त्यांनी एम.पी.एड. व सेट शिक्षण पूर्ण केले आहे. त्यांनी सहाय्यक प्राध्यापक, राज्य क्रीडा मार्गदर्शक व तालुका क्रीडा अधिकारी म्हणून कार्य केले असून सध्या ते परभणी येथे प्रभारी जिल्हा क्रीडा अधिकारी म्हणून कार्यरत आहेत.
