सेलू शहर भाजपाची मुख्याधिकार्यांकडे मागणी
सेलू जि.परभणी : सेलूनगरी ही संत परंपरेने आणि अध्यात्मिक वारशाने नटलेली भूमी आहे. या पवित्र भूमीचे ग्रामदैवत श्री आणि शिर्डीचे साईबाबांचे सद्गुरू संत श्री केशवराज बाबासाहेब महाराज (व्यंकुशाह) यांच्या प्रतिमेचा समावेश करावा, अशी मागणी भारतीय जनता पार्टीचे सेलू शहराध्यक्ष अशोक शेलार आणि पदाधिकाऱ्यांनी मुख्याधिकारी तुकाराम कदम यांच्याकडे निवेदनाद्वारे केली आहे.
श्री केशवराज बाबासाहेब महाराज हे समाजप्रबोधन, सेवा आणि समतेचे प्रतीक आहेत. त्यांच्या कार्याशिवाय सेलू शहराची ओळख अपूर्ण आहे. त्यांच्या स्मृतीचा गौरव राखण्यासाठी आणि शहराच्या अध्यात्मिक परंपरेचा सन्मान करण्याच्या उद्देशाने पालिकेच्या अधिकृत बोधचिन्हात (लोगो) केशवराज बाबासाहेब महाराज यांच्या पवित्र प्रतिमेचा समावेश करण्यात यावा, या मागणीची पालिका प्रशासनाने सकारात्मक दखल घेऊन आवश्यक कार्यवाही करावी, असे निवेदनात म्हटले आहे. या निवेदनावर शहराध्यक्ष अशोक शेलार आणि तालुकाध्यक्ष गणेश काटकर यांच्या स्वाक्षऱ्या असून, या वेळी कृष्णा गायकवाड, कपिल फुलारी, बाळासाहेब काजळे, महेश नावाडे, दीपक चव्हाण, विष्णू इगोले, नामदेव आवटे, निरज लोया, अशोक ताठे, अजय डासाळकर, शुभम खंदारे, खाजा बेग, प्रशांत ठाकूर आणि गणेश सवणे आदींसह पदाधिकारी व कार्यकर्ते उपस्थित होते.
