उपविभागीय अधिकारी शैलेश लाहोटी यांची माहिती, मतदार याद्यांच्या विशेष सखोल पुनरीक्षण कार्यक्रमांतर्गत १,४५,५९२ गणना फॉर्मचे डिजिटायझेशन पूर्ण
सेलू : भारत निवडणूक आयोगाच्या निर्देशानुसार मतदार याद्यांचा विशेष सखोल पुनरीक्षण कार्यक्रम (Special Intensive Revision) २० जून २०२६ पासून सुरू झालेला आहे. त्याअनुषंगाने शैलेश लाहोटी, मतदार नोंदणी अधिकारी तथा उपविभागीय अधिकारी सेलू यांनी दिलेल्या माहितीनुसार सेलू तालुक्याअंतर्गत एकूण १४५५९२ मतदार असून १४५५९२ गणना फॉर्म छापून वितरीत करण्यात आले आहेत. व शुक्रवारी, ७ ऑगस्ट २०२६ रोजी १०० टक्के सेलू तालुक्याचे गणना फॉर्मचे संगणकीकरण काम पूर्ण करण्यात आले आहे.
जिल्हाधिकारी तथा जिल्हा निवडणूक अधिकारी संजयसिंह चव्हाण, उपजिल्हा निवडणूक अधिकारी श्रीमती अरूणा संगेवार यांचे वेळोवेळी होणारे मोलाचे मार्गदर्शन, प्रशिक्षण आणि आढावा बैठका घेऊन कामाला गती दिली. त्यामुळे या यशाचे श्रेय मतदार नोंदणी अधिकारी तथा उपविभागीय अधिकारी शैलेश लाहोटी, सहायक मतदार नोंदणी अधिकारी तथा तहसीलदार डॉ. शिवाजी मगर, सर्व सहायक मतदार नोंदणी अधिकारी, सर्व बीएलओ, बीएलओ सुपरवायझर, तलाठी, आशा वर्कर, अंगणवाडी सेविका, आणि निवडणूक शाखेतील यंत्रणेच्या अथक परिश्रमाला जाते. आता पुढील टप्प्यात अनामली दुर करणे, तसेच PSE/DSE क्लिअर करणे तसेच एसडीडी म्हणजेच अनुपस्थित, मृत व स्थलांतरीत मतदारांची यादी तपासून अचूक मतदार यादी तयार करण्यात येणार आहे. त्यासाठी मतदारांनी आपल्या भागातील बीएलओ किंवा तहसील कार्यालय सेलू यांच्याशी संपर्क साधावा असे आवाहन करण्यात येते.
