वाशिम भाजपकडून कार्यक्रमाचे आयोजन
वाशिम : भारतीय स्वातंत्र्य संग्रामातील अमर क्रांतीवीरांच्या शौर्य, त्याग आणि बलिदानाला कृतज्ञ अभिवादन करण्यासाठी भारतीय जनता पार्टी, वाशिम शहर यांच्या वतीने ९ ऑगस्ट क्रांती दिनानिमित्त विविध राष्ट्रभक्तीपर उपक्रमांचे आयोजन करण्यात आले.
क्रांतीवीरांच्या स्मृतींना उजाळा देत स्वर्गीय राजू रामकृष्ण हंबीर, स्वर्गीय गणेश किशोर निंबेकर, स्वर्गीय नरेंद्रजी नारायणदास शर्मा, स्वर्गीय प्रकाश तुकाराम परळकर आणि स्वर्गीय विनायक मनोहर साने यांच्या निवासस्थानी भेट देऊन त्यांच्या परिजनांशी आत्मीय संवाद साधण्यात आला. यावेळी शहराच्या वतीने शाल, श्रीफळ व सन्मानचिन्ह प्रदान करून त्यांच्या कुटुंबीयांचा गौरव करण्यात आला. राष्ट्राच्या स्वातंत्र्यासाठी योगदान देणाऱ्या शहरातील स्वातंत्र्यसैनिकांच्या त्यागाप्रती कृतज्ञता व्यक्त करत त्यांच्या स्मृतींना विनम्र अभिवादन करण्यात आले.याच उपक्रमाचा एक भाग म्हणून जुनी नगरपरिषद, वाशिम येथील स्वातंत्र्यसेनानी स्मारकास अभिवादन करण्यात आले. स्मारक परिसर स्वच्छ व सुस्थितीत राहावा, तसेच भावी पिढ्यांना स्वातंत्र्यलढ्याच्या इतिहासाची प्रेरणा मिळावी, या उद्देशाने हा उपक्रम राबविण्यात आला.या सर्व उपक्रमांमध्ये नगराध्यक्ष अनिल केंदळे, भाजपा पदाधिकारी, महिला व पुरुष मोर्चाचे पदाधिकारी, नगरसेवक-नगरसेविका, शक्तिकेंद्र प्रमुख, बूथ प्रमुख, विविध आघाड्या व सेलचे पदाधिकारी तसेच असंख्य कार्यकर्ते सहभागी झाले.“क्रांतीवीरांचे बलिदान हीच आपल्या स्वातंत्र्याची अमूल्य ठेव आहे; त्यांच्या त्यागाचे स्मरण आणि त्यांच्या कुटुंबीयांप्रती कृतज्ञता व्यक्त करणे हीच राष्ट्रभक्तीची खरी भावना आहे,” या विचारातून वाशिम भाजपने क्रांती दिनाला कृतज्ञता, राष्ट्रभक्ती आणि सामाजिक बांधिलकीचा भावपूर्ण स्पर्श दिला.कार्यक्रमाच्या यशस्वी आयोजनासाठी शहराध्यक्ष मनीष मंत्री, शहर संयोजक बजरंग आळणे, संतोष लकरस आणि पंकज काशीकर महाराज यांनी परिश्रम घेतले.
