सेलू जि.परभणी : मागील पाच वर्षांपासून करोना काळात बंद झालेला मनमाड – काचीगुडा-मनमाड अजंठा सुपरफास्ट एक्स्प्रेसचा (गाडी क्रमांक १७०६३ आणि १७०६४) सेलू रेल्वे स्थानकावरील थांबा १० सप्टेंबरपासून पूर्ववत झाला आहे. याबाबतच्या पाठपुराव्यासाठी पालकमंत्री मेघना साकोरे-बोर्डीकर, खासदार संजय जाधव यांनी विशेष लक्ष घातल्यामुळेच थांबा पूर्ववत झाल्याचे श्री.मालाणी यांनी सांगितले.
थांबा पूर्ववत झाल्याबद्दल प्रवासी वर्गातून समाधान व्यक्त केले जात असून मराठवाडा रेल्वे प्रवासी संघाच्या पदाधिकाऱ्यांनी अजंठा एक्स्प्रेसचे जोरदार स्वागत केले आहे. रेल्वे चालक विकास सिंह, स्टेशन मास्तर सोमनाथ राऊत, लिपिक सुहानी यांचे पुष्पाहार घालून स्वागत करण्यात आले. या वेळी प्रवासी संघाचे अध्यक्ष शिवनारायण मालाणी, माजी नगरसेवक मनिष कदम, बल्लभ राठी, शेख मुनीर, भगवान पावडे, विजयकुमार पटेल, सिद्दीक मोदी, गेना, बालाजी राऊत यांची उपस्थिती होती.
