युथ मूव्हमेंट ऑफ महाराष्ट्र, युनिट सेलूतर्फे आयोजन
सेलू : युथ मूव्हमेंट ऑफ महाराष्ट्र, युनिट सेलूतर्फे मेगा ब्लड डोनेशन ड्राइव्ह अंतर्गत भव्य रक्तदान शिबिराचे आयोजन करण्यात आले होते. रविवारी, ३० ऑगस्ट २०२६ रोजी माशाअल्लाह फंक्शन हॉल येथे पार पडलेल्या या शिबिरात शहरातील नागरिकांनी उत्स्फूर्त सहभाग नोंदवून ११० रक्तपिशव्यांचे संकलन केले.
मिलादुन्नबी (सल्लल्लाहु अलैहि वसल्लम) निमित्त गरजू रुग्णांना रक्त मिळावे व जनजागृती व्हावी या हेतूने हे अभियान राबवण्यात आले.शिबिराच्या यशस्वीतेसाठी युनिटचे स्थानिक अध्यक्ष शेख नोमान निजामी यांच्या मार्गदर्शनाखाली इमामुद्दीनसर, जकीसर, सय्यद इशाक साहेब, शोएब हाश्मी, बिलाल हरमैन, इस्माईल शेख, अब्दुल रहमान, डॉ. अब्दुल मजीद, अब्दुल गफूर, दस्तगीर कुरेशी, सय्यद फैजान, इमरान अन्सारी आणि इब्राहिम बागवान यांनी विशेष परिश्रम घेतले. नोंदणीपासून व्यवस्थापनापर्यंत सर्व कार्यकर्त्यांनी मोलाचे योगदान दिले.यावेळी अध्यक्ष शेख नोमान निजामी यांनी सर्व रक्तदाते, कार्यकर्ते, स्वयंसेवक, वैद्यकीय पथक व नागरिकांचे आभार मानले. हा सेवा उपक्रम पुढेही सुरू ठेवण्याचा संकल्प यावेळी करण्यात आला.
