डॉ. बाबासाहेब आंबेडकर यांच्या प्रतिमेचे पूजन करून कार्यक्रमास सुरुवात
सेलू : सेलू येथील मराठवाडा शिक्षण प्रसारक मंडळ संचलित न्यू हायस्कूल व उच्च माध्यमिक विद्यालयात संविधान दिन मोठ्या उत्साहात साजरा करण्यात आला. भारतीय संविधानाचे शिल्पकार डॉ. बाबासाहेब आंबेडकर यांच्या प्रतिमेचे पूजन करून कार्यक्रमाची सुरुवात करण्यात आली. यावेळी विद्यार्थ्यांनी गीत तसेच संविधानावर आधारित आपले विचार प्रभावीपणे व्यक्त केले.
दिनकर नखाते, धनंजय मोरे आणि प्रनयना मुधावने यांनी विद्यार्थ्यांना संविधान निर्माती, त्याचे महत्त्व व उपयोगिता याविषयी सखोल मार्गदर्शन केले. कार्यक्रमाचे अध्यक्ष मुख्याध्यापक धनंजय भागवत यांनी आपल्या अध्यक्षीय भाषणात, लोकशाही अधिक भक्कम करण्यासाठी संविधान हे अतिशय महत्त्वाचे असल्याचे सांगत आपले विचार मांडले. कार्यक्रमाचे प्रास्ताविक व सूत्रसंचालन तोंदूलवार यांनी केले, तर रामेश्वर कदम यांनी उपस्थितांचे आभार मानले. हा कार्यक्रम यशस्वी करण्यासाठी अंगद मोरे आणि नारायण काष्टे यांनी विशेष सहकार्य केले.
