अखिल भारतीय ग्राहक पंचायत, देवगिरी प्रांतातर्फे जनजागृतीचा उपक्रम
परभणी : अखिल भारतीय ग्राहक पंचायतच्या देवगिरी प्रांतातर्फे राष्ट्रीय ग्राहक दिनानिमित्त ग्राहक जागरण दिंडीचे आयोजन करण्यात आले आहे. दरवर्षी २४ डिसेंबर रोजी असलेल्या राष्ट्रीय ग्राहक दिनाच्या अनुषंगाने, ही दिंडी २४ नोव्हेंबर ते ३० डिसेंबर या कालावधीत चालणार आहे.
सोमवार, दिनांक २४ नोव्हेंबर, २०२५ रोजी प्रांत अध्यक्ष डॉ. विलास मोरे यांच्या हस्ते या ग्राहक जागरण दिंडीचे उत्साहात उद्घाटन करण्यात आले. या कार्यक्रमाला परभणी जिल्ह्याच्या पालक अधिकारी डॉ. संगीता आवचार, लीगल सेल प्रमुख ॲड. संजय केकान, रोजगार सृजन प्रमुख किरण बोचरे, जिल्हाध्यक्ष गुलाब शिंदे, उपाध्यक्ष सोपान टोले, भगवान करंजे, मधुकरराव मुळे, डॉ. संदीप चव्हाण, भानुदास शिंदे, कारभारी शिंदे, अब्दुल रहीम, शामराव रणेर, जनार्दन आवरगंड, महानंदा जाधव, श्रीमती रेघाटे, कल्याणी आवचार, ॲड. धनंजय मुंडे, ॲड. सातपुते, गंगाधर कान्हेकर, सुनील गायकवाड, सिद्धार्थ गायकवाड, गफार भाई, खाडे यांच्यासह मोठ्या संख्येने पदाधिकारी आणि कार्यकर्ते उपस्थित होते. या दिंडीच्या माध्यमातून ग्राहकांमध्ये त्यांच्या हक्कांबद्दल आणि जबाबदाऱ्यांबद्दल जागृती निर्माण करण्याचे उद्दिष्ट ठेवण्यात आले आहे.
