सेलूतील श्री गोविंदबाबा दादूपंथी मठ गोशाळेचा स्तुत्य उपक्रम
सेलू : कोजागिरी पौर्णिमेच्या शुभ मुहूर्तावर येथील श्री संत गोविंदबाबा दादूपंथी मठ गोशाळेच्या वतीने दमा आणि अस्थमाने त्रस्त असलेल्या सुमारे २५६ रुग्णांना मोफत औषधांचे वाटप करण्यात आले. सोमवार, दिनांक ०६ ऑक्टोबर रोजी अश्विनी कोजागिरी पौर्णिमेच्या निमित्ताने हा वार्षिक उपक्रम आयोजित करण्यात आला होता. श्री दादूपंथी मठ गोशाळा, वैद्यनाथ औषधी कंपनी आणि विजय मेडीकल, गायत्री फॅब्रिकेशन यांच्या संयुक्त विद्यमाने या मोफत औषधी वाटप कार्यक्रमाचे आयोजन करण्यात आले.
यावेळी शिवनारायण मालाणी आणि भगवान पावडे यांनी उपस्थितांना औषधी सेवनासंबंधी महत्त्वपूर्ण माहिती दिली. तुळशीराम काळूंके आणि मायारामजी कांचन या रुग्णांनी औषधीच्या परिणामकारकतेबद्दल आपले अनुभव कथन केले. कार्यक्रमाच्या यशस्वीतेसाठी सूर्यकांत जाधव, गोविंद शेलार, गणेश भागडे, द्वारकादास दायमा, जगन्नाथ पवार, पद्माकर वाकडीकर यांनी गायीचे दूध, मुळ्याची भाजी आणि मातीच्या वाट्या उपलब्ध करून देत रुग्णांची नावनोंदणी करण्याचे काम केले. दिपक पवार, प्रतिक जाधव, श्रीनिवास काबरा, आर. कर्वा आदी गोशाळेतील गोसेवकांनी यासाठी विशेष परिश्रम घेतले.
