जिल्हाधिकारी संजय चव्हाण यांनी स्वीकारला पदभार

परभणी : परभणी जिल्ह्याचे नवे जिल्हाधिकारी म्हणून संजय रामराव चव्हाण यांनी, २१ ऑगस्ट रोजी यापूर्वीचे जिल्हाधिकारी रघुनाथ गावडे यांच्याकडून पदभार स्वीकारला.
मूळचे सातारा जिल्ह्यातील असलेले चव्हाण यांनी यापूर्वी विविध महत्त्वाच्या पदांवर काम केले आहे. मुंबई येथील मुद्रांक शुल्क विभागाचे अतिरिक्त नियंत्रक म्हणून ते कार्यरत होते. त्यांनी १९९१ साली विक्रीकर निरीक्षक म्हणून आपल्या सेवेची सुरुवात केली. त्यानंतर पुणे, कोल्हापूर, सांगली आणि सोलापूर जिल्ह्यांमध्ये उपजिल्हाधिकारी, उपविभागीय अधिकारी आणि इतर अनेक पदांवर त्यांनी काम केले आहे. त्यांच्या अनुभवामुळे परभणी जिल्ह्याच्या प्रशासनाला फायदा होईल, अशी अपेक्षा व्यक्त केली जात आहे.