महिला दिनानिमित्त सांस्कृतिक विभागाचा उपक्रम
सेलू : येथील नूतन विद्यालयात सांस्कृतिक विभागाच्या वतीने जागतिक महिला दिनाचे औचित्य साधून मंगळवार, १० मार्च रोजी महिला शिक्षक आणि शिक्षकेतर कर्मचारी भगिनींचा मुख्याध्यापक संतोष पाटील यांच्या हस्ते यथोचित सन्मान करण्यात आला.
याच प्रसंगी ज्ञानज्योती सावित्रीमाई फुले यांच्या स्मृतीदिनानिमित्त त्यांच्या थोर जीवनकार्यावर सांस्कृतिक सहविभाग प्रमुख डॉ. काशिनाथ पल्लेवाड यांनी प्रकाश टाकला. कार्यक्रमाला उपमुख्याध्यापक किरण देशपांडे आणि डॉ. सुरेश हिवाळे यांची प्रमुख उपस्थिती होती.या सोहळ्यात विद्यालयातील महिला शिक्षक प्रतिनिधी सुनिता सांगुळे, अर्चना कुलकर्णी, सांस्कृतिक विभाग प्रमुख शिल्पा बरडे यांच्यासह शैलजा कऊटकर, आरती कदम, सूर्यकला सूर्यवंशी, शुभांगी आष्टीकर, वर्षा कदम, सुनिता दहिफळे, सरस्वती शेरे, अश्विनी पटाईत, आदीती अंबेकर, अश्विनी केंद्रे, मनोरमा इक्कर, रूपाली लाडाणे, मिरा शेटे, प्रतिज्ञा चव्हाण, शोभा भालेराव आणि निर्मला कांदळे यांचा सन्मानपूर्वक सत्कार करण्यात आला.
