सेलू येथे डॉ.बाबासाहेब आंबेडकर सार्वजनिक जयंती उत्सव समिती जाहीर
सेलू : भारतरत्न डॉ. बाबासाहेब आंबेडकर यांची १३५ वी जयंती यंदा विविध सामाजिक आणि प्रबोधनात्मक उपक्रमांनी उत्साहात साजरी केली जाणार आहे. सेलू येथील शासकीय विश्रामगृहात शनिवार, २१ मार्च २०२६ रोजी मुख्याध्यापक सिद्धार्थ एडके यांच्या अध्यक्षतेखाली जयंतीच्या निमित्ताने महत्त्वाची बैठक पार पडली.
या बैठकीमध्ये भारतरत्न डॉ. बाबासाहेब आंबेडकर सार्वजनिक जयंती उत्सव समितीची नवीन कार्यकारिणी सर्वानुमते गठीत करण्यात आली आहे. यामध्ये नगराध्यक्ष मिलिंद सावंत यांची स्वागताध्यक्षपदी तर नगरसेवक सुबोध काकडे यांची जयंती समितीच्या अध्यक्षपदी निवड करण्यात आली.या कार्यकारिणीत अन्य पदाधिकाऱ्यांची निवड पुढीलप्रमाणे करण्यात आली आहे. कार्याध्यक्षपदी सुनील हिवाळे, उपाध्यक्षपदी सुनील धापसे, सचिवपदी प्रवीण धापसे, कोषाध्यक्षपदी विकास धापसे, सहसचिवपदी अमित धापसे आणि संघटक म्हणून दत्ता तांबे यांची निवड झाली. तसेच सल्लागार म्हणून बबन शिरसाट, गोविंद काळे, गोविंद भदर्गे, खंदारे मामा व रवी अवचार काम पाहणार आहेत.यासोबतच वैचारिक आणि सांस्कृतिक समितीचीही घोषणा करण्यात आली असून यामध्ये मुख्याध्यापक सिद्धार्थ एडके, सुरेश रणखांब, माजी मुख्याध्यापक के.व्ही. वाघमारे, डॉ. सुरेश हिवाळे, मुक्तिराम वाव्हळे, गजानन साळवे, विलास साळवे, अवचार आणि पाईकराव यांचा समावेश आहे.
