शनिवारी, रविवारी भरगच्च कार्यक्रम : ५३ वर्षांनंतर भेटणार वर्गमित्र, गुरूजनांचा सन्मान
सेलू : येथील नूतन विद्यालयातील शैक्षणिक वर्ष १९७२ च्या दहावी वर्गातील माजी विद्यार्थी तब्बल ५३ वर्षांनंतर पुन्हा एकत्र येणार आहेत. वयाची सत्तरी गाठलेल्या या मित्रांनी सेलू शहरात शनिवार आणि रविवार (१३ आणि १४ सप्टेंबर) दोन दिवसीय “स्नेह मिलन – साद मैत्रीची” कार्यक्रमाचे आयोजन केले आहे.
श्री बालाजी मंगल कार्यालयात शनिवारी दुपारी १.३० वाजता माजी उद्घाटन होईल. त्यानंतर ‘मी दहावीनंतर काय केले?’ या विषयावर संवादसत्र आहे. सायंकाळी सांस्कृतिक कार्यक्रमात संगीत शिक्षक सच्चिदानंद डाखोरे, पूजा तोडकर, दीपक देवा, शोभा चिखले, मनीषा पांडे आणि तांबे यांची संगीत मैफिल आयोजित केली आहे. गौतम सूर्यवंशी यांचे काव्य वाचनही होईल.
रविवार, १४ सप्टेंबर रोजी श्री बालाजी मंगल कार्यालयापासून नूतन विद्यालयापर्यंत माजी विद्यार्थी प्रभातफेरी काढणार आहेत. तसेच शाळेमध्ये १९७२ साली शिकवत असलेले गुरुजन तसेच नूतन विद्यालय शिक्षण संस्थेचे माजी सचिव प्राचार्य द. रा. कुलकर्णी, उपाध्यक्ष डी. के. देशपांडे, सचिव प्राचार्य डॉ. विनायकराव कोठेकर, पी.एम.रोडगे, कालिदास दुरुक्कर, प्रकाश पांडव आणि कालिदास कुलकर्णी यांचा सन्मान करण्यात येणार आहे.
कार्यक्रमास नूतन विद्यालय शिक्षण संस्थेचे अध्यक्ष डॉ. एस.एम.लोया, सहसचिव जयप्रकाश बिहाणी, मुख्याध्यापक संतोष पाटील, मुख्याध्यापिका निशा पाटील, मुख्याध्यापक उल्हास पांडे यांची प्रमुख उपस्थिती राहणार आहे. स्नेह मिलन कार्यक्रम यशस्वी करण्यासाठी माजी नगराध्यक्ष हेमंतराव आडळकर, प्राचार्य डॉ. शरद कुलकर्णी, प्रा.भगवान टेकाळे, रामप्रसाद घोडके, श्यामसुंदर मणियार, डॉ.सुभाष परताणी, श्रीकांत दीक्षित, सतीश टाक, मुजीब घोरी, नंदकिशोर राजूरकर, मधुकर तावरे, पांडुरंगराव मगर, प्रकाश धामणगावकर, शरयू मुळावेकर, मधुकर कव्हळे, विठ्ठल गायकवाड, सतीश पांडे, माणिक रोडगे, ज्ञानेश्वर शिंदे, रामकिशन शेरे, प्रकाश भरड आणि संयोजन समिती पुढाकार घेत आहे.
