नूतन कन्या प्रशालेत आंतरशालेय कथाकथन स्पर्धा उत्साहात
सेलू : अखिल भारतीय साने गुरुजी कथामाला आणि नूतन विद्यालय शिक्षण संस्थेद्वारे संचालित श्रीमती लक्ष्मीबाई लालजी रामजी नूतन कन्या प्रशालेच्या वतीने २१ व्या आंतरशालेय कथाकथन स्पर्धेचे आयोजन ३० जुलै २०२५ रोजी करण्यात आले होते. या स्पर्धेत सेलू शहरातील १८ स्पर्धकांनी सहभाग घेतला.
प्रशालेच्या मुख्याध्यापिका निशा पाटील यांच्या अध्यक्षतेखाली झालेल्या या कार्यक्रमाला उपमुख्याध्यापक पी. टी. कपाटे, पर्यवेक्षक डी. बी. घोगरे, सुहास देऊळगावकर, सांस्कृतिक विभाग प्रमुख भालचंद्र गांजापुरकर यांची प्रमुख उपस्थिती होती. भाग्यश्री धामणगावकर, सतीश कुलकर्णी आणि रेणुका आंबेकर यांनी परीक्षक म्हणून काम पाहिले.
कार्यक्रमाची सुरुवात साने गुरुजी आणि स्व. दुर्गाताई कुलकर्णी यांच्या प्रतिमा पूजनाने झाली. पूजा महाजन आणि त्यांच्या संचाने ‘खरा तो एकची धर्म’ ही प्रार्थना सादर केली. स्पर्धकांनी विविध जीवनमूल्यांवर आधारित कथा सादर करून उपस्थितांची मने जिंकली.
सूत्रसंचालन आणि आभारप्रदर्शन कीर्ती राऊत यांनी केले. स्पर्धेच्या यशस्वीतेसाठी सुनील मोगल, माधुरी कुंभार, यशवंत कुलकर्णी, सुजाता रासवे, वैशाली चव्हाण, सीमा सुकते, शशिकांत देशपांडे, विजय चौधरी, जयश्री सोनेकर, संध्या फुलपागारे, सोनाली कुबरे, भोगावकर, परळीकर, देशमुख, आमले, कोळे आणि योगेश कुलकर्णी यांनी विशेष सहकार्य केले. कै. दुर्गाताई कुलकर्णी यांनी २००५ पासून सुरू केलेली ही संस्कारक्षम कथामाला अविरतपणे सुरू आहे.
