नूतन विद्यालयात शासकीय रेखाकला परीक्षा सुरू

एलिमेंटरी, इंटरमिजिएट परीक्षेसाठी २५४ विद्यार्थी सहभागी

सेलू : महाराष्ट्र राज्य, कला संचालनालय आणि कला शिक्षण मंडळ मुंबई यांच्यावतीने आयोजित शासकीय रेखाकला परीक्षा सेलू येथील नूतन विद्यालय केंद्रावर बुधवारी, २४ सप्टेंबरपासून सुरू झाली आहे. या परीक्षेसाठी एलिमेंटरी ग्रेडसाठी एकूण १४३ विद्यार्थी उपस्थित आहेत. २५ सप्टेंबर रोजी या परीक्षेच्या पहिल्या दिवशी वस्तूचित्र (Still Life) आणि स्मरणचित्र (Memory Drawing) या दोन विषयांचे पेपर यशस्वीरित्या पार पडले. गुरुवारी संकल्पचित्र (Design) आणि भूमिती व अक्षरलेखन (Geometry and Lettering) हे पेपर होणार आहेत. २६ सप्टेंबर पासून इंटरमिजिएट ग्रेड परीक्षा सुरू होणार असून, या केंद्रावर त्यासाठी १११ विद्यार्थी प्रविष्ट झाले आहेत. नूतन विद्यालयाचे मुख्याध्यापक तथा केंद्रप्रमुख संतोष पाटील, पर्यवेक्षक रोहिदास मोगल आणि शंकर बोधनापोड यांनी भेट देऊन विद्यार्थ्यांचा उत्साह वाढवला. परीक्षेचे सहकेंद्रप्रमुख तथा कला विभाग प्रमुख आर.डी. कटारे आणि कलाशिक्षक फुलसिंग गावित हे परीक्षेचे कामकाज पाहत आहेत. त्यांनी शिक्षक आणि शिक्षकेतर कर्मचारी सहकार्य करीत आहेत.