सेलू तालुकास्तरीय विज्ञान नाट्य स्पर्धेत तृतीय क्रमांक, विद्यार्थ्यांच्या उत्कृष्ट अभिनयाने वेधले उपस्थितांचे लक्ष
सेलू : पंचायत समिती गटशिक्षणाधिकारी कार्यालयाच्या वतीने नूतन विद्यालयाच्या कै. रा. ब. गिल्डा सभागृहात बुधवारी, २ सप्टेंबर २०२६ रोजी आयोजित सेलू तालुकास्तरीय विज्ञान नाट्योत्सव स्पर्धेत नूतन विद्यालयाच्या विद्यार्थ्यांनी सादर केलेल्या ‘एआय जादूचा दिवा’ या विज्ञान नाटिकेने तृतीय क्रमांक मिळविला आहे.
शिक्षक डॉ. सुरेश हिवाळे लिखित व दिग्दर्शित या नाटिकेची संकल्पना गोपाल आम्ले यांची असून सहदिग्दर्शन सुनीता दहिफळे यांनी केले. नेपथ्याची जबाबदारी किशोर कटारे आणि संगीत संयोजन सच्चिदानंद डाखोरे यांनी सांभाळले. या उपक्रमासाठी सांस्कृतिक विभाग प्रमुख डॉ. काशिनाथ पल्लेवाड, आरती कदम व अश्विनी केंद्रे यांचे विशेष सहकार्य लाभले.
या नाटिकेत जय चौधरी, तीर्थेश संघई, सोहम नेवरेकर, ऋतुजा महाजन, आर्या कुलकर्णी, शब्दा लाटकर, सान्वी हेलसकर, मृण्मयी इक्कर, शाश्वत संघई व गार्गी आकनीकर या बालकलाकारांनी उत्कृष्ट अभिनय सादर करून प्रेक्षकांची दाद मिळवली. या उल्लेखनीय यशाबद्दल संस्थेचे अध्यक्ष डॉ.एस.एम.लोया, उपाध्यक्ष डी.के.देशपांडे, सचिव प्राचार्य डॉ.व्ही.के.कोठेकर, सहसचिव जयप्रकाश बिहाणी, शालेय समिती अध्यक्ष सीताराम मंत्री, प्रशासकीय अधिकारी प्राचार्य डॉ.शरद कुलकर्णी, मुख्याध्यापक के. के. देशपांडे, उपमुख्याध्यापक डी. बी. घोगरे, पर्यवेक्षक शंकर बोधनापोड, गणेश माळवे यांच्यासह सर्व शिक्षक व शिक्षकेतर कर्मचाऱ्यांनी विजेत्या विद्यार्थ्यांचे व मार्गदर्शकांचे कौतुक करत अभिनंदन केले आहे.
