सेलू येथील स्वामी रामानंद तीर्थ ग्रंथालयात आज कार्यक्रम
सेलू : स्वामी रामानंद तीर्थ हिंदी-मराठी ग्रंथालयाच्या वतीने आयोजित ‘एक दिवस एक पुस्तक’ या मासिक उपक्रमांतर्गत, डॉ. अविनाश वैदय लिखित ‘रेल्वेची रंजक सफर’ या पुस्तकावर १८ ऑगस्ट २०२५, सोमवार रोजी सायंकाळी ६:०० वाजता ग्रंथालयाच्या सभागृहात चर्चासत्र आयोजित करण्यात आले आहे. अध्यक्षस्थानी रेल्वे प्रवासी संघटनेचे अध्यक्ष शिवनारायण मालाणी असतील, तर नूतन महाविद्यालयातील प्रा. रविकिरण गंभीरे हे पुस्तकावर आपले विचार मांडणार आहेत. कार्यक्रमाचे प्रमुख पाहुणे म्हणून नांदेड विभागाचे मुख्य तिकिट निरीक्षक प्रदीप जोहिरे उपस्थित राहणार आहेत. चर्चासत्रानंतर प्रमिला धापसे लिखित ‘हाफ मेंटल’ या पुस्तकाचे प्रकाशनही होणार आहे. सर्व वाचक आणि नागरिकांना या कार्यक्रमात मोठ्या संख्येने उपस्थित राहण्याचे आवाहन ग्रंथालयाचे सचिव चंद्रशेखर मुळावेकर यांनी केले आहे.
