सेलू बाजार समितीचे सभापती डॉ.रोडगे यांच्यासह संचालक उपस्थित
सेलू : सेलू कृषी उत्पन्न बाजार समिती मोंढा येथे १३ ऑक्टोबर रोजी सोयाबीन तसेच इतर भुसार मालाच्या जाहीर लिलावाची उत्साहपूर्ण सुरुवात झाली. सभापती डॉ.संजय रोडगे यांच्या उपस्थितीत हा लिलाव पार पडला.
या लिलावप्रसंगी सेलू कृषी उत्पन्न बाजार समितीचे सभापती डॉ. संजय रोडगे, संचालक, सुरेंद्र तोष्णीवाल, दत्ताराव कदम, रामेश्वर राठी, अनिल बर्डे, सचिव दीपक शिंगणे, व्यापारी सुरेंद्र सेठ तोष्णीवाल, द्वारकादास झवर, ओमप्रकाश तोष्णीवाल, संतोष सोमानी, संजय परतानी, सतीश करवा, प्रकाश सोमानी, राजेंद्र प्रसाद मनियार, सुरेश राठी, रामेश्वर सोमानी, सागर करवा, रामेश्वर साबू, यासह अडत्या, शेतकरी बांधव आदी मान्यवर उपस्थित होते. यावेळी सभापती डॉ.रोडगे यांचे स्वागत करण्यात आले.
या प्रसंगी सभापती डॉ. संजय रोडगे यांनी मनोगत व्यक्त करताना सांगितले की, “शेतकऱ्यांना त्यांच्या मालाला योग्य भाव मिळावा, यासाठी बाजार समिती सदैव कटिबद्ध आहे. पारदर्शक व प्रामाणिक लिलाव पद्धतीमुळे शेतकऱ्यांचा विश्वास अधिक दृढ झाला आहे. आगामी काळात शेतकऱ्यांच्या हितासाठी विविध सोयीसुविधा उपलब्ध करून देण्याचा समितीचा प्रयत्न राहील.”
लिलावाच्या प्रारंभी गिरीश बाबासाहेब काकडे (हातनुर) यांना पहिला मान मिळाला.
लिलाव प्रक्रियेमुळे शेतकऱ्यांचा फायदा होणार आहे. तसेच त्यांच्या मालाला योग्य दर मिळण्याची संधी उपलब्ध झाली असून, बाजार समितीच्या पारदर्शक व्यवहारपद्धतीचे सर्वत्र कौतुक होत आहे.
दरफलकानुसार १३ ऑक्टोबरचे भाव पुढीलप्रमाणे –
सोयाबीन: २८७ क्विंटल. कमाल ₹४०२६, किमान ₹३०७१, सरासरी ₹३७९९
तूर (लाल): २० क्विंटल. कमाल ₹६२४१, किमान ₹६२००, सरासरी ₹६२००
तूर (पांढरी): ०७ क्विंटल. कमाल ₹६१३५, किमान ₹५९००, सरासरी ₹६१३५
गहू: ०६ क्विंटल. सरासरी ₹२५००
